栢芝爱霆锋够大
2011年03月18日
谢霆锋同张栢芝两公婆真系可以话系天造地设嘅一对,一个大男人,一个钟意小鸟依人,一凹一凸,啱晒 key啦!
上周五( 11日),喺广西为王晶新戏《无价之宝》埋尾嘅栢芝,攞咗两日假返嚟香港陪老公。当日傍晚时分,两人玩完返抵赤柱寓所。霆锋自己一支箭落车,不但冇帮老婆开车门,仲 cool到爆咁自己走去揿,搞到栢芝要跑住追上前。霆锋冇风度?惨得过栢芝钟意罗!
内有开关掣霆锋唔揿,偏要用手顶实门,真系又 cool又有型呀。
为免霆锋久等,栢芝急急脚追上前入。佢身上嘅羽绒褛同白色手袋,同之前喺广西拍戏时着嘅一模一样(右图)。
黄昏时分,霆锋载住栢芝返抵赤柱寓所
车一停定,霆锋即刻标落车走人。栢芝咪咪摩摩仲未落车。